Ligazóns sobre a tarifa eléctrica galega

• "¿De qué nos vale ser productores de energía?", Andrés Precedo Ledo no La Voz de Galicia.
• "Da soberanía e as cousas de comer", Adrián Dios Vicente, Ideas.gal. 

Lista de reprodución das xornadas do BNG "O sistema eléctrico. Alternativas desde Galiza":



Vídeo da ILP da CIG:

Ligazóns ao desvío para un dezasete de abril

• "O libro práctico no tempo da internet", César Lorenzo Gil.
• "Sete nomes para o fillo menor", no Portal das Palabras. Non podo deixar de pólo, pois eu son o fillo menor dun pai que foi o fillo menor e dunha nai que é tamén a filla menor :)
• Morrey Shangay Lilly.
• "1916: unha terrible beleza naceu. A cen anos de dous feitos claves para o nacionalismo", Manuel Vilar Álvarez.
• En 8 de cada 10 fogares de Galiza xa non vive ningún menor de 16. Aquí, a táboa do Instituto Galego de Estatística.
• "BNG-CIG as razóns dunha convivencia difícil", interesante e valente artigo de Manuel Veiga. Adiante co debate!

Crónica de novos xaques ao galego

O SERGAS pospúxolle unha operación case dous anos a un paciente porque este solicitou a documentación en galego; en concreto, o que pedía ter no noso idioma común é o "consentimento informado" que todas e todos temos que asinar para dar fe de que coñecemos e admitimos a intervención que nos indican. Este feito, que o SERGAS non nega, supón a conculcación dos dereitos lingüísticos máis básicos e un novo xaque ao recoñecemento do galego como lingua oficial.

O paciente, con toda a dignidade, decidiu levar por iso o SERGAS aos tribunais. Como a min me acontecera unha situación semellante hai uns anos, pediume que fose de testemuña para contar o meu caso, porén o xuíz finalmente decidiu non admitir esa proba oral, que axudaría a corroborar unha discriminación repetida.

Desde A Mesa, con representantes tamén da CIG-Saúde e do BNG, acompañouse a xornada cunha concentración simbólica de apoio ás portas do xulgado de Compostela. Cando chegamos, vimos que había varios medios e alegrámonos polo eco que ía ter a nova, mais... o certo é que os medios, que aproveitaron porén para recoller declaracións, estaban para cubrir a parte sensacionalista do día, sobre o crime da pequena Asunta Basterra. De feito, canto desta nova vistes nalgún medio? Imaxinade que relevo tería, polo contrario, se lle pospuxesen unha operación a alguén -que digo dous anos? unha semana!- por pedir a documentación en castelán...

O momento máis esperpéntico da xornada produciuse cando o avogado dos seguros Zürich, contratados pola Xunta, se negou a falar en galego. O paciente e denunciante púxoo en evidencia e reclamou que, xa que o representante contratado pola Xunta non quería usar o galego, que se lle puxese un intérprete. O xuízo pospúxose por iso algo máis de media hora.

Cantas cousas temos para aprender deste día: as discriminacións que continúan con forza por parte de quen debería ser o primeiro defensor da nosa cultura (o Goberno galego); a marxinalidade mediática dos nosos problemas culturais centrais, os decisivos para o futuro dun idioma vivo; porén, sobre todo, a pervivencia dunha mobilización e dignidade que se nega a permitir que sexamos cidadáns e cidadás de segunda. Non, non o permitiremos.

Ligazóns ao desvío para un 12 de abril

• "Parece que o galego é a única lingua do mundo que non ten dereito a un estándar culto", entrevista a Xosé Manuel Sánchez Rei.
• O investigador Isidro Fernández Villalba descubriu unha obra de teatro inédita de Álvaro Cunqueiro.
• A CIG anuncia que a Consellaría de Educación readmitirá o profesorado CELGA, tras todas as sentenzas. Parabéns para a xente afectada pola súa perseveranza e a todas as entidades que souberon estar ao seu carón.
• O Vaticano bloquea o embaixador proposto por Francia por ser homosexual.
• "Ainda não sabemos quem nem por que mataram Jesus", Juan Arias.
• "Échele la culpa al cerebro", Lola Morón. 

[A ilustración é o retrato que Dalí realizou da "morfoloxía do cranio" de Freud. Hoxe exponse no Museo Freud de Londres, mais o vienés nunca chegou a ver a obra.]

Ligazóns ao desvío para un catro de xaneiro

Yolanda Castaño: "Revélome todo o tempo e a poesía é unha linguaxe alternativa". (Crónica en Eldiario.es da presentación en Santiago do último libro da poeta.)

Por que os adolescentes prefiren aínda os libros en formato papel?

"A culpa é do galego, por existir", Pilar García Negro.

Colapsos no servizo de Urxencias do Hospital Clínico de Santiago por falta de recursos.

O filme A esmorga continúa a colleitar éxitos por toda Galiza. Reparade na foto!

"El futuro es femenino", José R. Ubieto.

Os idiomas nas teses da USC en 2013.

O meu voto é para a CIG-Ensino

Estamos de eleccións sindicais no ensino e o meu voto vai para a CIG, por moitas razóns:

Ligazóns ao desvío para un dezanove de outubro

Hoxe é o Día Internacional contra o Cancro de Mama. Forza a todas as mulleres que continúan na batalla! Anímovos tamén a que apoiedes esta entidade: Punto e Seguido.

"A Xunta continuará destruíndo emprego público e minguando os salarios do seu persoal en 2015", denuncia a CIG.

"A vida secreta das tarxetas", Miguel Anxo Murado.

Software para criar mapas mentais. No blogue A língua no estendal.

"José Luis Méndez, o intocable" e "O show do xuíz Taín e o desprestixio da xustiza", Anxo Luxilde.

"Podemos ignorar o conflito lingüístico?", Miguel Rodríguez Carnota.

As 50 peores traducións de filmes da historia.

Un estudo di que pórlle aos furacáns nomes femininos fai que se respecten menos e que acaben causando máis danos...

Contra os recortes de profesorado, as supresións de unidades e a precarización do ensino

Hai que continuar a se mover! Toda esta miseria debe rectificarse!

Auguiña de sete fontes (18)

 

2 habitantes menos cada hora no país das 1.500 aldeas abandonadas.

Un home derrubou a súa casa e entregou os cascallos ao banco que o ía desafiuzar. A casa estaba hipotecada, mais o terreo era da súa propiedade :)

O trato hospitalario preferente para Bárcenas non é noticia na TVG.

"Cinema en valencià o la igualtat", Ferran Suay. (Interesante reflexión, aínda que, como sabedes, en Galiza a situación aínda é máis precaria: 0% este Nadal...)

Sobe o paro en Galiza no mes de decembro e diminúen, en 2013, as/os afiliadas/os á Seguridade Social en 12.757.

"Un ano á intemperie", Manuel Bragado.

"Si soy del amo, él me ama", Isabel Lucioni.

Auguiña de sete fontes (17)

• Gadis despide unha traballadora que estaba de baixa por unha operación e nin lle dá ningunha indemnización tras 14 anos na empresa, a pesar de que mesmo a súa doenza é consecuencia da actividade laboral. Puagh!
• A Consellaría de Educación eliminou da plataforma da formación a distancia da FP os materiais que estaban en galego e substituínos por material en español. Ole el bilingüismo!
• Canto levan da Xunta os familiares de Feijóo e Romay?
• Galiza, a penúltima comunidade autónoma con menos ocupación hostaleira. Nin así vai haber ningunha mudanza nestas políticas? Tampouco nisto a Xunta ten ningunha responsabilidade?
  
• Programa de VíaV do 18 de abril pasado, sobre o que se ía xa sabendo en relación coa reforma da Lei do aborto.
• "Indígname", Manuel Bragado.
  
• O Goberno español  reforza o emprego temporal e legaliza as horas complementarias.

Hoxe en ViaV

Convidáronme desde V televisión a participar esta noite na primeira parte do coñecido programa de actualidade que conduce Fernanda Tabarés. O tema central para tratar é a decisión do goberno da Xunta de continuar coas pseudoconsultas ás familias, a pesar de que foi un punto tombado polo Tribunal Superior de Xustiza de Galiza en varias sentenzas. Así, a Xunta di por unha banda que non recorre as sentenzas, mais pola outra banda actúa como se tales sentenzas non existisen. Sobre isto reflexiona tamén hoxe en Sermos Galiza Anxo Louzao, secretario nacional da CIG-Ensino, no artigo "O galego, a impunidade e a mentira".

Non se poden chamar "consultas" unhas preguntas amañadas, cuxos resultados non son públicos e que só se teñen en conta para reducir a presenza do galego na escola. Pensemos, por exemplo, que as únicas "consultas" de que se coñeceu o resultado, as realizadas en 2009, o que facían era apoiar o decreto entón en vigor, o que garantía cando menos o 50% do ensino no noso idioma.

Mais deixemos iso de lado un momento e preguntémonos en voz alta como é que un goberno tan xordo ás reivindicacións sociais, tamén no ámbito educativo (bolsas, comedores, despedimentos de profesorado, etc., etc.), pon tal empeño en finxir que escoita neste punto. É evidente que se trata dunha falsa escolla.

Auguiña de sete fontes (3)

 - "El Dorado, la cólera de Feijóo", entrada de Perfecto Conde no seu blogue.

- #FeijooPagaLaNieve, trending topic, informa Sermos Galiza.

- "O SERGAS non substitúe os facultativos de baixa, incrementando o volume de doentes nun 200% en casos como psiquiatría", denuncia a CIG.

- "Unha foto é unha foto é unha foto", artigo de Xosé Manuel Pereiro en La Opinión de A Coruña.

- "O diñeiro negro do PP de Pontevedra dos 80 e 90", informa Galicia Confidencial collendo tamén datos de Novas da Galiza.

- "Concurso eólico e foto de barco", un artigo de Anxo Quintana en 2011 que acertadamente publica de novo Sermos Galiza.

- "A dereita non ten quen lle escriba", reflexiona o crítico Manuel Rodríguez Alonso no seu blogue.

Antoloxía dominical

- "Camiñamos cara a unha sociedade de doentes", entrevista a Javier Peteiro en La Vanguardia.

- "Cando os parlamentarios non tiñan soldo", Antonio Escudero en El País.

- A CIG pon en funcionamento un banco de alimentos. Nova en Sermos Galiza.

- A Mesa insta a Feijóo a que “promulgue un decreto que si se axuste ao Estatuto, á Lei de Normalización, ao Plan de Normalización e á Carta Europea das Linguas”.

- Taboleiro do Libro Galego da primeira quincena de marzo, elaborado polo crítico Ramón Nicolás. Grazas pola boa acollida que continúa a ter Como falar e escribir en galego con corrección e fluidez!

- A Casa de Rosalía abriuse de novo ao público.

Encontro co Bloque e os mundos paralelos da TVG

Nada máis se coñeceren as tres primeiras sentenzas sobre o decretazo contra o galego, o BNG convidounos a un encontro ás tres entidades que promovéramos tales demandas: A Mesa, Queremos Galego e a CIG-Ensino. Por motivos de axenda, esa entrevista (sobre a cal tedes máis información aquí) non se puido desenvolver até onte pola mañá.

Tras a reunión privada, realizamos unha comparecencia conxunta para os medios. Pois ben, isto foi do que se falou:




Porén, así o transmitiu a TVG. Xa vedes o nivel de censura e terxiversación:


(Para a xente a quen non vos vaia o vídeo directametne, podedes velo e comparar nesta ligazón.)

Tres fragmentos da sentenza

A sentenza do TSXG que estipula o regreso do galego á educación infantil das cidades é un motivo de festa rachada para todas as persoas que amamos e defendemos o noso idioma propio e a existencia dunha verdadeira pluralidade de linguas e culturas no mundo.

Podedes consultar aquí a valoración da Mesa (que, tristemente, non veredes nin ouviredes na CRTVG) e aquí a ligazón á sentenza.

Minutos despois de chegar a resolución da Mesa viñeron tamén os ditames para outras dúas entidades que tamén foron aos tribunais contra esta norma galegófoba: a CIG-Ensino e a plataforma unitaria Queremos Galego. As dúas van no mesmo sentido de tombar os eixos do decretazo.

Penduro aquí tres imaxes, tres fragmentos, que sintetizan as ideas-forza deste documento histórico:

Fechado por Folga!

 

Podes seguir as informacións sobre a Folga Xeral de hoxe neste portal especial da CIG:

E ti, como rescatas os teus dereitos lingüísticos?

 

Abofé que desde as pésimas decisións gobernamentais de onte son máis os dereitos sociais (que non privilexios!) que habemos de rescatar. Teremos que encontrarnos en moitas mobilizacións para defender con uñas e dentes tantas conquistas de xustiza e dignidade elementais. A vindeira, o 19 de xullo ás 20 h en todas as cidades. O lema con que nos chama a CIG a manifestarnos describe con exactitude o que acontece nestes momentos: "Estannos roubando".

Ademais destes dereitos, na Mesa continuamos a recibir todos os días moitas queixas por vulneracións dos nosos dereitos lingüísticos, tamén cada vez máis precarizados por decisións políticas e ideolóxicas, ás veces revestidas de "liberdade" (!) e outras tantas de "austeridade" (?), de aplicación tan cínica e selectiva en ambos os casos.

As violacións de tales dereitos non só poden supor un dano simbólico por non posibilitar o uso ou a recepción de información no idioma propio na propia terra. Nos casos máis graves, significan tamén dificultades para acceder a un posto de traballo, para continuar estudos, para un trámite na xustiza, mesmo para realizar unha xestión sanitaria... Estou a pensar en casos reais e recentes nos cales actuamos desde A Mesa, e iso que á asociación só chegan unha parte dos que na verdade acontecen cada día no país. Todo isto sen saír da dimensión estritamente individual, porque é evidente que os ataques ao noso idioma tamén teñen repercusións colectivas importantes, como a maior ruptura dunha cohesión social tan necesaria nestes momentos.

Como unha forma de estímulo para que todas e todos nos activemos polo galego no noso día a día, quero realizar un pequeno proxecto partindo do manual práctico Como defenderes os teus dereitos lingüísticos. A miña petición agora mesmo é: se liches este libro e aplicaches algúns dos consellos que nel se conteñen, se fas favor envíame o teu testemuño ao correo electrónico dereitos@carloscallon.com

Non é necesario que o exemplo sexa moi longo, aínda que tamén pode selo se así o considerares. O importante é que o compartas e que nos poida servir de espello a todas e todos.


Rescatemos os nosos dereitos, tamén os lingüísticos!