Ligazóns ao desvío para un dous de novembro

"Correspondencia entre Ken Keirades e Ben-Cho-Shey", por Clara Iglesias Cortizo.

"Medios en galego para dar a batalla", Aurélio Lopes.

"A imposición do galego e a mentira como arma", Henrique del Bosque Zapata.

"Operación Zeta: así conseguiu o PP a alcaldía da Coruña", Manuel Monge.

Ligazóns ao desvío para un vinte e seis de outubro

Marica Campo suma hoxe á súa galería de premios o Facer País. Moi merecido!

Onte foi o 160 aniversario do nacemento de Manuel Leiras Pulpeiro, como ben nos lembrou Armando Requeixo

"Usurpación aniquiladora", Francisco Rodríguez.

Acusan a persoas da contorna de Feijóo de estaren no miolo do escándalo Crespo.

A Mesa e Sermos asinan un convenio para editar conxuntamente Somos Galego.

Unha indíxena quichua, a máis votada en Bolivia, co 94,76%.

Ligazóns ao desvío para un dezanove de outubro

Hoxe é o Día Internacional contra o Cancro de Mama. Forza a todas as mulleres que continúan na batalla! Anímovos tamén a que apoiedes esta entidade: Punto e Seguido.

"A Xunta continuará destruíndo emprego público e minguando os salarios do seu persoal en 2015", denuncia a CIG.

"A vida secreta das tarxetas", Miguel Anxo Murado.

Software para criar mapas mentais. No blogue A língua no estendal.

"José Luis Méndez, o intocable" e "O show do xuíz Taín e o desprestixio da xustiza", Anxo Luxilde.

"Podemos ignorar o conflito lingüístico?", Miguel Rodríguez Carnota.

As 50 peores traducións de filmes da historia.

Un estudo di que pórlle aos furacáns nomes femininos fai que se respecten menos e que acaben causando máis danos...

Auguiña de sete fontes (10)

• Nas Illes Balears o Govern, tamén do PP, si informa do resultado das "consultas". No seu caso, 70% do alumnado escolleu o catalán como primeira lingua. Tedes máis información, máis matices, na ligazón.
• Un estudo do Goberno vasco estuda revisar os perfís de euskara ante a falta de sintonía entre a acreditación e o uso. O problema non vos soa? Iso si, aquí os poderes públicos nin se fan a pregunta en alto nin pensan en ningunha solución.
• México, o país das 69 linguas. Unha é o castelán, o resto...
• O Barça ten conta de Twitter en portugués.
• Nova directiva comunitaria sobre intérpretes no ámbito penal.
• Pico, unha figura central da escena galega.
• O PP de Galiza contratou con empresas da Gürtel cando Feijóo xa era presidente do partido.

Abonda xa de corrupción e de destrución social e cultural!

Non poderei estar na manifestación de hoxe domingo, mais sen dúbida que envío todo o meu apoio!

Rajoy nunca mente

Así que tampouco hoxe dubidedes da súa palabra!

Lección de ética

"Non preciso principios éticos e supremacía moral. Chéganme cos principios éticos e a supremacía moral que me dan os galegos cos seus votos"

(Alberto Núñez Feijóo, sobre a primeira vez na historia que entra a policía na Xunta, para deter o responsábel da promoción económica do Goberno galego, nomeado por el)

Debaixo do macartismo

Non transcorreu máis que a metade da lexislatura autonómica e a xustiza xa tivo que deter ao director e subdirector do IGAPE, organismo da Xunta encargado da promoción económica.

O director, nomeado directamente a proposta de Alberto Núñez Feijóo, está, xunto co subdirector, acusado de fraude en subvencións públicas, falsidade documental, alzamento de bens, branqueamento de capitais e fraude fiscal.

Si, xa sei que hai unha crise de valores que fai que a moita xente non lle importe que haxa corruptos na vida pública. Mais tamén hai algunhas persoas que nos indignamos de verdade por estas situacións e reclamamos transparencia e honestidade.

Lembremos, ademais, que mentres a Xunta de Núñez Feijóo difamaba organizacións como Unións Agrarias ou A Mesa por recibiren axudas públicas legais e lexítimas, presuntamente estaría a acontecer todo isto. Debaixo do macartismo está o fedor a podre.

A lotaría que sempre toca

O Bloc Nacionalista Valencià editou uns números da lotaría do Neno coa imaxe de Carlos Fabra. O aludido, un importante dirixente do PP e presidente da Diputació de Castelló (igual que seu pai, seu avó, seu bisavó e seu tío-tataravó), denunciounos. O xuíz obrigou rapidamente a que se deixasen de distribuír. Mais xa foi tarde: todos os números estaban vendidos.

Non me estraña que tanta xente quixese compralos, porque o irónico lema está especialmente conseguido. Resulta que Fabra foi investigado por fraude fiscal. Un dos datos máis rechamantes era que durante varios anos non lle deixou de tocar a lotaría: no 2000, 113.000 euros; no 2001, 103.00; no 2002, 29.000; no 2004, 23.000, e no 2008, 2.000.000 de euros, cos seus seis ceros. Hai xente con sorte!

A pesar de tanta fortuna, a Fiscalía Anticorrupción encontrou 5,3 millóns de euros de procedencia descoñecida, que Fabra e a súa muller teñen nas súas 94 contas correntes. Malia tantas estrañas casualidades, Mariano Rajoy considérao un "cidadán exemplar".

Fabra, agradecido e honesto, argumentou que os posíbeis delitos xa prescribiron e a Audiencia Provincial de Castelló terminou por darlle a razón. É preocupante a decisión, porque demostra máis unha vez que non todos somos iguais perante a lei. Mais a prescrición, estraña, o que se di estraña, tampouco é: polos sete anos que levaba o proceso xudicial contra el xa pasaran nove maxistrados.

Hai xente con sorte!