Ligazóns ao desvío para un 21 de decembro

• Catálogo de Nadal de Abertos ao Galego. Un feixe de boas ideas para o Apalpador!
• O quechua morre "de vergoña" no Perú. Modesto Gálvez di que "o quechua foi recuando sen parar: primeiro da rúa á casa e despois da rúa á cociña".
• "Cidadáns do mundo", Henrique del Bosque Zapata.
• "Un póster e unha foto", Cibrán Arxibai.
• "Lingua, realidade e datos", Susana Méndez. 
• Jesusa Rodríguez explica a etimoloxía tortillera.

Hoxe entrégase o premio Abertos ao Galego

Neste acto non só se distinguirán empresas que apostan polo noso idioma, senón que tamén se dará un novo pulo a unha idea que non debemos esquecer este Nadal: a de consumirmos de forma responsábel coa nosa lingua.

Escollamos galego!

Para lle escribirmos ao Apalpador

Despois da excelente acollida dos anos 2011 e 2012, chega tamén neste Nadal de 2013 un catálogo que serve de expositor da actividade das empresas que conforman a rede Abertos ao Galego.

Ao final do mesmo, hai unha relación completa de todas elas, unha listaxe moi útil para exercermos un consumo responsábel co noso idioma.

Que se vaia preparando o Apalpador!




Todos temos patria

Este é o cartón do convite ao acto de entrega do premio Abertos ao Galego, que se realizará este serán en Carballo. Se puideres, ven a este novo festexo do noso idioma!

O evento presentarao a actriz e humorista Isabel Risco e nel actuará a talentosa cantante Najla Shami, que está agora coa promoción do seu disco "Na lingua que eu falo".

No cartón de arriba, porén, non figura o nome da empresa premiada, xa que se deu a coñecer aínda hai poucos días. A entidade que imos recoñecer co galardón foi a reaberta cadea de electrónica San Luís. Cando o seu dono anunciou esta reabertura, máis significativa nun momento de crise como o que pasamos, dixo o seguinte: "Claro que as nosas tendas están rotuladas en galego. Estamos en Galiza, non? Todos temos patria, é a nosa aposta."

Que empresa merece un premio polo uso exemplar do galego?

Pois dálle unha volta a esa pregunta e participa na convocatoria deste ano do premio Abertos ao Galego. Como verás nas bases, é moi sinxelo: só tes que enviar un correo-e a abertosaogalego@amesanl.org. Ademais, só por participares, xa entras no sorteo dun lote de materiais do proxecto.

A imaxe que penduro nesta entrada do blogue correspóndese cun dos momentos do acto de entrega dos galardóns o ano pasado, que foi en Pontevedra, mais que cada ano se prevé que sexa nun concello diferente.

Activémonos por un consumo responsábel co galego!

Por unha lingua viva e avivada en todos os ámbitos!

Vivan as nacións do mundo, tamén a nosa!

Mañá é o Día da Patria Galega, unha xornada de reivindación de que a nosa nación existe e de que quere continuar a existir; de que, fronte os cantos ao individualismo e á uniformidade, nós queremos manter o noso contributo á diversidade de culturas e de países da humanidade, a nosa aposta polos lazos colectivos.

Non estamos en bos tempos para esta reivindicación con claridade e franqueza, así que cómpre que multipliquemos os esforzos para enviarmos a nosa mensaxe con tanta claridade como pedagoxía. Vainos a vida nisto.

Na tarde e o serán dos festexos de mañá estarei polo posto da Mesa no Festigal, no cal teremos este ano varias sorpresas, en especial a exposición de materiais de empresas colaboradoras co proxecto Abertos ao Galego. Vide facer unha visitiña!

Viva a patria galega, existente e resistente!

Vémonos hoxe en Allariz!

 

Continuamos!

Construíndo nova vida para a nosa lingua

Deixo aquí as ligazóns a algunhas das últimas novas da Mesa pola Normalización Lingüística, unha entidade cidadá que fai todo canto está na súa man para revitalizar o idioma que temos de noso. Se aínda non es socia ou socio da Mesa, afíliate!

• A Mesa denuncia que o Concello do Barco de Valdeorras non respecta a oficialidade do galego.
• Nova incorporación a Abertos ao Galego: Comarca 54, tenda de produtos ecolóxicos en Santiago de Compostela.
• O Valedor do Pobo estudará iniciativas para que o Concello da Coruña utilice o galego como lingua oficial.
• Coñeces escolas infantís (0-3 anos) que usen o galego?

Ah! E se hoxe andardes por Monforte, lembrade que, na Casa da Cultura, ás 20.15 h, se desenvolve a presentación de Como falar e escribir en galego con corrección e fluidez.

Continuamos!

Auguiña de sete fontes (7)

- Un mozo senegalés en Mallorca morreu por tuberculose. Negóuselle a atención médica porque non tiña papeis.

- No boletín de novas adquisicións da biblioteca municipal de Ferrol non hai nada en galego. En inglés, si.

- "Dormir no es tan fácil", artigo de Vicente Palomera en La Vanguardia.

- Crónica da intervención de Xosé Ramón Barreiro no Congreso Rosalía de Castro no século XXI, por Francisco Rodríguez, no seu blogue.

- Crónica da intervención de María Victoria Álvarez Ruiz de Ojeda no Congreso Rosalía de Castro no século XXI, por Francisco Rodríguez, no seu blogue.

- "17 de maio: Ricardo Carvalho Calero", por Pilar García Negro.

- As novidades desta semana de Abertos ao Galego.

Novas empresas que se abren ao galego

Se segues o web da Mesa, o seu espazo no Twitter ou algunha das páxinas da entidade no Facebook, xa saberás que se incorporaron nestes días pasados varios nomes novos ao proxecto Abertos ao Galego, a rede comercial e empresarial que serve, entre outras cousas, como pequena guía para un consumo responsábel co noso idioma.

Por se non o viches aínda, recoméndoche que o vexas!

- As novidades desta semana das empresas de Abertos ao Galego.
  - As novidades de Abertos ao Galego: catro novas incorporacións ao proxecto e máis noticias das empresas colaboradoras.

- Nova incorporación a Abertos ao Galego: Dual s.t.

- Nova incorporación a Abertos ao Galego: Lúcete Lecer.


- Abertos ao Galego.- Nova incorporación: Viveiros Moreira.

Ademais, se coñeces algunha empresa que estea aberta ao galego, non deixes de comentalo no correo-e abertosaogalego@amesanl.org!

De varias fontes

 
 - O goberno francés vai reducir o IVE dos libros.

- "A de sempre", Francisco Rodríguez en Sermos Galiza.

- Vai chegando o Festigal 2012.

- Comeza a campaña do libro de texto nas librarías de Abertos ao Galego.

- Xunta e Igrexa aínda non asumiron a súa responsabilidade no roubo do Códice.


-Un diario italiano reclama un partido Cataluña - España para visualizar quen gañou a Eurocopa.

- Unha visión "optimista" da evolución da economía española, por S. Horse.

Un feixe de boas propostas

Estes consellos alguén os pendurou do facebook:

E non esquezas nunca manter un consumo responsábel co idioma! Por exemplo, a través das empresas de Abertos ao Galego!

Esta semana en Chantada, Pontevedra, Ferrol e Ourense

A miña axenda pública desta semana levarame a estes catro lugares que cito no título. Comezo na segunda feira (luns) cunha presentación na Casa da Cultura de Chantada, ás 18.30 h, do libro Como defenderes os teus dereitos lingüísticos, coa compaña de André Sánchez Labandeira, profesor do IES Lama das Quendas.

Na terza (martes) participarei na presentación en Pontevedra do proxecto Abertos ao Galego, a rede de empresas que apostan polo noso idioma. Será ás 21 h na sede do Colexio de Xestores Administrativos (rúa Blanco Porto) e co apoio do Concello.

Xa na sexta (venres) estarei en Ferrol nunha conferencia a que me convidaron as mozas e mozos de Galiza Nova, para que fale sobre os consellos contidos no libro Como defenderes os teus dereitos lingüísticos. Será ás 18 h na Casa Solidaria da cidade.

Por último, o sábado, ás 11 h, comezará a Asemblea Xeral da Mesa. A partir de agora, as reunións anuais de socias e socios serán en diferentes concellos de Galiza e non só en Santiago de Compostela, como fora até o momento. Neste caso, xuntarémonos no Auditorio Municipal de Ourense (rúa da Canle, 2).

Onde e cando nos vemos? ;)

Empresas de Ourense apostan polo noso idioma

Hoxe ás 20.15 h o Museo Municipal de Ourense acollerá a presentación no municipio de Abertos ao Galego, unha rede de empresas que apostan pola lingua do país.

Participa e coñece mellor este proxecto!

Por se non o viches

• Nova incorporación a Abertos ao Galego: Acouga Quiromasaxe.
  
  
• A Mesa cualifica os tres anos de goberno de Núñez Feijóo como "paus constantes contra o galego".
  
  
• Gonzalo Hermo: "Quero crer que non existe un manual establecido de como sermos galegos".
  
  
• Recital antolóxico da poesía galega, dirixido por Eduardo Blanco Amor.
  
  
• Manifesto "Tamén connosco", pola unidade do nacionalismo galego, que fai un repaso aos éxitos históricos e á utilidade do BNG.
  
  
• Presentación en Ferrol de Como defenderes os teus dereitos lingüísticos.
  
  
• Presentación en Oleiros de Como defenderes os teus dereitos lingüísticos.

A Mesa convoca o premio Abertos ao Galego

Desde A Mesa demos a coñecer hoxe a convocatoria do premio Abertos ao Galego. Aínda que é un galardón pensado para distinguir empresas comprometidas co noso idioma, como podedes ver nas bases todas e todos temos o convite para enviar propostas.

Abrámonos ao galego! Consigamos que tamén máis xente se abra ao idioma que nos une!

E que lle vas pedir ao Pandingueiro?

Pénsao botándolle un ollo ao catálogo de Nadal de Abertos ao Galego!

Entre o consumo responsábel para estas festas, non esquezamos o consumo responsábel co noso idioma.

Aproveito para desexarvos unhas moi boas festas e o mellor para o 2012!

Ábrete ao galego!

Ás 20.30 h deste serán o restaurante O Dezaseis (rúa de San Pedro, 16, de Santiago) acollerá a presentación do distintivo de calidade Abertos ao Galego. Podedes consultar máis información deste proxecto estrela da Mesa no seu twitter, na súa páxina no facebook, no seu blogue ou no seu espazo web de referencia (que axiña estará renovado con interesantes achegas).

Practiquemos o consumo responsábel co noso idioma!

Apoiemos a quen nos apoia!

Abrámonos sempre ao galego!

Abrámoslle portas ao galego!

O proxecto Abertos ao Galego está a cobrar forza con novas incorporacións, novas ideas e novas accións.

Ti, que queres galego, non deixes de coñecer o que se coce arredor do proxecto e apoialo:

- Aquí podes consultar a páxina de referencia de Abertos ao Galego, co catálogo en liña de todas as empresas.

- Aquí, o seu novo blogue.

- Aquí, a páxina de Abertos en facebook.

Abrímoslle portas ao galego!