![](https://blogger.googleusercontent.com/img/b/R29vZ2xl/AVvXsEjPIhOaaADr1O5gK7RPhem8sKmlfC4-ayOYUVW-k5DGODRzoofChryPqMxa8t3iJSUXsHaP9kdyKAkwsdcsVzOyShOlLF2ZqkXGYRBbD6WzsccolyUu1dW9PCjdvZe1lWZCPqxQNpysJQw/s400/Como+defenderes+os+teus+dereitos+ling%25C3%25BC%25C3%25ADsticos.jpg)
Hai quen quere cansarnos e facernos pensar que o futuro do galego está decantado cara ao patíbulo. Mais nin a desaparición nin a recuperación dunha lingua son nunca procesos espontáneos. Podemos intervir e rectificar a situación actual, porque cada decisión que tomamos no presente modifica os futuros posíbeis.
Este libro, que se comezará a distribuír a semana próxima, propón que protagonicemos no noso día a día a revitalización do noso idioma a través de pequenas accións, concretas e realizábeis. Porque os pequenos xestos poden orixinar grandes transformacións.
Para iso, formúlase unha operativa guía de conduta para vivirmos en galego, chámase a un consumo responsábel co noso idioma e faise un repaso moi claro e por sectores dos dereitos lingüísticos que se nos recoñecen.
A existencia de miles de galegas e galegos que non están dispostos a renunciar aos seus dereitos lingüísticos é a maior esperanza para superarmos a difícil situación actual. Isto centra o compromiso individual como protagonista para conquistarmos o futuro. Isto apélanos a ti e a min. Se non actuamos nós, ninguén o vai facer por nós.
Nenhum comentário:
Postar um comentário