![](https://blogger.googleusercontent.com/img/b/R29vZ2xl/AVvXsEiJVov5wk3KD3NTN8VaaZyWtoR3GU4hDM1oUrDG4mIAAY4dlPmZ9TKPLa6YbM64j1LHMT1wkwwQD4M7ePV19vriiwLJ549TC1PyXStzbMS0_8cHF6ohTJj9GIMQ62-xIrm-6i1z7o1_Zw0/s400/Madrid+ECNHP+07.jpg)
![](https://blogger.googleusercontent.com/img/b/R29vZ2xl/AVvXsEiW0sT6h93VIzQkScKhFwdgLfrHx2CeBlugPc4j62hKea0uHDTfouBFwvzSA8kCvpCaBclK4A_Fqvn_oQ9U88K2jzUakydupFYD6aezj9XiZHO5746QgDdYX0op1_URy-CGOuny-g46nMI/s400/Madrid+ECNHP+05.jpg)
![](https://blogger.googleusercontent.com/img/b/R29vZ2xl/AVvXsEgXTRM3c05lYAV1Hq2k6m8J9a_VxowTleg89rvg1RpiiAfma9eqvgj4x8ddrv43qyhEOgbjcXIT11f9aDPG9GL1PD3Uz4G4jvwzpcRhwZ8JXlp2NFlQ9iEUgJ2Ci71ky6UaVGCM4_7obLQ/s400/Madrid+ECNHP+04.jpg)
![](https://blogger.googleusercontent.com/img/b/R29vZ2xl/AVvXsEhIbQRBgbYiSwLzAwcwySriFH9-LN3cIzmI5-9wzv4xsb2sAlY5of-vceDyedwZ5nuWThDAlyRg-yrAceSuB1blbdstTt2mjhmJ4d3foVaqh5x32-N2LQWQeguyJWJbKVQBmbHv0wqVrtI/s400/Madrid+ECNHP+03.jpg)
![](https://blogger.googleusercontent.com/img/b/R29vZ2xl/AVvXsEiGcnAzlI7W7wSnhwC9EXMgWGBQ6TKN_pFytkzHTX0eF_8qmzsFBXq5uMCMH4REIy2iT36luRXnqBf3Dw2UhlF1GEpTGP9Dp7HJkDHNk40_5P4Y7JwZbsyoWcvyR9Q7oZB5nV4oQW1jKgU/s400/Madrid+ECNHP+02.jpg)
![](https://blogger.googleusercontent.com/img/b/R29vZ2xl/AVvXsEiaySa4pe2QZ2vK3FLHmipiQvnk2OoY4KHpn-it_N3aTTc2rJ70nsGrRfgiINDv5TSoJ704Vjgs2zoOy2sTaCTEWr54DN4DCR_JGo87Gnt_Ni4aPAfeaP8cO4mDC1VoFKxQNcxLBuOOAzA/s400/Madrid+ECNHP+01.jpg)
![](https://blogger.googleusercontent.com/img/b/R29vZ2xl/AVvXsEjwvHq50qKTm5p93tQrPxHvTW2MGhU5VFabg823aQD_Ib8TjwkW7BQ6He_R7roS0Iu0NEk7K_G42H7N6nyESIiBLyYx7pPJjMjlTB8XyDa8OqRixFTGbhQ7y_HioDQca1_4DLEh1AlmjV4/s400/Madrid+ECNHP+06.jpg)
Mañá, 24 de xullo, ás 18.30 h, presentarase no Festigal o libro Como defenderes os teus dereitos lingüísticos. Debo agradecer desde xa ás máis de 600 persoas que apoiastes o evento a través das redes sociais. Agardo que a obra estea á altura das expectativas e sexa útil para a batalla cívica que temos por diante.
A presentación será puntual e áxil, para cumprir coa ampla programación do Festigal. Para o acto preparei unha pequenísima sorpresa, así que recomendo vir con ganas de xogar ;)
Teño que manifestar tamén o meu agradecemento aos medios de comunicación que se están a facer eco da saída do volume. Así, antonte tiven unha entrevista en Radiofusión, mañá sairá outra en RNE e na segunda feira outra máis para a SER. Grazas!
As fotos que encabezan esta entrada pertencen á derradeira presentación do anterior libro que publiquei sobre o noso idoma, En castellano no hay problema. O acto tivo lugar no Centro Galego de Madrid, despois dunha sucesión de obstáculos e censuras para facelo no salón da Delegación da Xunta, a Casa de Galiza.
O caso é que ao final puido haber acto, aínda que fose noutro sitio e non día máis propicio: nin pola tremenda calor nin por unha sucesión de problemas que tiven na xornada, que agora non veñen a conto, mais que axudan a explicar a cara de canso que se me ve nas fotos.
Mais a presentación pagou a pena, e moito. Foi unha delicia podermos partillar opinións sobre a situación do galego e tamén sobre as alternativas de futuro, aspectos ambos en que achegou a súa acertada análise o deputado Francisco Jorquera. Ademais, alegroume a xornada ver moitos rostros inesperados.
En fin, que continuamos!
Nenhum comentário:
Postar um comentário