18 de abr de 2009

948 anos e 2 días

Antonte foi o aniversario do matrimonio homosexual máis antigo do que se conserva documentación en territorio galego. O 16 de abril de 1061, Pedro Díaz e Muño Vandilaz uníronse nun lugar que probabelmente estea situado no que hoxe é o concello de Rairiz de Veiga.

Como xa dixen noutras ocasións, o feito de que sexa o matrimonio máis antigo entre dous homes do cal teñamos testemuño en Galiza non quere dicir que fose realmente a unión institucional homosexual máis antiga, senón que as probas doutras unións non chegaron até nós.

Para o 2011, será o 950 aniversario desta unión. Unha efeméride en cifra redonda que merece algún preparativo especial, non si?

Nenhum comentário:

Postar um comentário