25 de jun. de 2011

A presentación en Barcelona do libro Amigos e sodomitas




´

Deixo aquí algunhas fotografías da presentación do libro Amigos e sodomitas o pasado 15 de xuño na Galería Sargadelos de Barcelona. Se algo lamento dese evento é non ter unha gravación do tremendo discursazo, do maxistral discursazo que realizou Helena González.

Polo demais, xa vedes os continuos sorrisos que temos todas as persoas que saímos nas fotografías.

Á parte de me encontrar con caras amigas, unha das sorpresas do evento foi a asistencia ao mesmo dunha profesora catalá de lingua e literatura e unha activista lgtb de orixe arxentina. Nunca antes ouviran o galego, mais non tiveron ningún problema para seguir as conversas. Para que despois digan.

Estas dúas mulleres souberon do acto porque se fixeron eco do mesmo varios xornais electrónicos latinoamericanos (até onde sei, un chileno, un arxentino e un mexicano); curiosamente, poucos galegos e ningún catalán. Un dato que serve para reflexionarmos sobre como é a exportación da nosa imaxe como país e como cultura, e tamén da nosa produción editorial.

Na vindeira terza feira (martes) será a presentación do libro en Galiza, ás 20 h na Libraría Couceiro de Compostela, desde onde partiremos por un roteiro sobre a homosexualidade na Idade Media en Santiago.

O seguinte acto de presentación será o 2 de xullo en Ribeira. Por vez primeira, na miña vila natal van organizar o Día do Orgullo e estou moi feliz de poder colaborar.

2 comentários:

  1. Efectivamente queridisimo Carlos! Encontramos no solo que entendiamos casi a la perfección el galego, sino que tambien somos capaces de leerlo casi sin consultar el diccionario ;-)
    Helena Gonzalez tambien fue otro gran descubrimiento no solo en la presentación de tu libro, su conocimiento del tema nos dejó maravilladas.
    Resumiendo, a todxs quienes puedan: no deben perderse la presentación de tu libro, primero para conocerte a ti y a tu sonrisa y tambien para comprar tu libro, porque luego de escucharte es imposible no hacerlo!
    Muchos besos de Lola y Maria Pia desde Barcelona

    ResponderExcluir