18 de ago de 2010

Debater e actuar


Os meus artigos das dúas últimas semanas en Galicia Hoxe ("Para sandar as feridas" e "As palabras perdidas?") deron lugar a un debate sobre se a nosa lingua se encontra ou non nun proceso de hibridación e, sobre todo, o máis importante, que é o que podemos facer para mellorar a calidade do noso idioma e aumentar a súa extensión social. A discusión foi inagardada, porén é oportuna e necesaria, polo que a festexo.

Partindo destes escritos, que foron motivo de réplicas e contrarréplicas en varios foros da rede, expuxeron as súas opinións sobre o tema, entre outras e outros, Xosé Luís Méndez Ferrín, Francisco Fernández Rei, Xosé Ramón Freixeiro Mato, Xosé Manuel Sánchez Rei, Henrique Monteagudo, Goretti Sanmartín Rei, Valentim Rodrigues Fagim, Filipe Díez, Isabel Rei, etc. Na reportaxe "O risco da dialectalización", que Montse Dopico elaborou para Galicia Hoxe, poderedes ler en síntese os diferentes posicionamentos.

Nalgún caso, ao longo do debate, apóñenseme posturas que eu non defendo. Por iso, quen tiver interese en coñecer de modo directo o que eu si penso, pode ler os dous textos supracitados, así como o libro En castellano no hay problema, onde me debruzo en varias ocasións sobre o tema (especialmente, aínda que non só, nas páxs. 135-139 e 243-246).

Varios dos artigos que publicarei en Galicia Hoxe nas próximas semanas abordarán desde outras perspectivas esta mesma cuestión. Agardo que tamén resulten de proveito e utilidade, tanto para a reflexión como para a acción.

2 comentários:

  1. Isabel Rei Sanmartim (AGLP)19 de ago de 2010 12:19:00

    Caro, desculpa que ainda não tenha lido o teu livro. E obrigada por me nomear no teu post neste teu blogue, mas não mereço: com bom critério o "Galicia Hoxe" não me entrevistou.

    Já sabes o que penso, pintar a parede cheia de humidades é não ir às causas do problema. Recomendo a leitura dos foros do PGL, que também incluis no teu post, onde se aprende bastante sobre estes assuntos e a gente fala com responsabilidade.

    Saudações.

    ResponderExcluir
  2. Non son dado a facer comentarios, mais desta vez:
    http://cartaxeometrica.blogspot.com/2010/09/o-nonaino.html

    ResponderExcluir