30 de dez. de 2009

A mobilización de Queremos Galego fai que Feijóo mude a última hora o Consello da Xunta

A plataforma Queremos Galego convocou para hoxe ás 17 h na praza do Obradoiro unha concentración de urxencia so o lema "Non ao decreto contra o galego". O día, hora e lugar débense a que aí se ía celebrar o derradeiro Consello da Xunta do ano, tras o cal se anunciará o maior ataque contra o galego en toda a democracia.

Pois ben, onte pola tarde desde a Xunta avisaron aos medios de comunicación de que por vez primeira se vai mudar o lugar de reunión. Os motivos deste cambio de última hora son obvios: tentaren esquivar a mobilización de Queremos Galego.

A reacción por parte do Goberno demostra a enorme importancia de nos movermos todo o posíbel para darmos hoxe resposta a este que vai ser o principal ataque contra o noso idioma en todo o período democrático. Vémonos hoxe ás 17 h na praza do Obradoiro!

2 comentários:

  1. Dende Catalunya ánimo a todos os que vaiades á concentración !! (mágoa non poder estar...)

    ResponderExcluir
  2. Que a Língua mãe do português seja respeitada.
    São os meus votos desde PortuGal.
    Um abraço à Galiza, ao seu povo, à sua cultura.
    Paulo Vaz

    ResponderExcluir