31 de mar de 2008

Como un fan!

Aínda non fun capaz de baixar do telemóbel as fotos do concerto de La Casa Azul na Coruña (mais sei que o conseguirei, Gon!). Porén, agora teño cando menos unha das imaxes que sacamos ao final da actuación en Vigo, ao día seguinte. Débollo a Iria Salvande, compañeira de fatigas desde hai anos na defensa do galego e paleofán de La Casa Azul; isto é, fan desde os seus inicios, non coma outros, que somos fans conversos.

De esquerda á dereita saen: unha fan da Coruña (perdoa, mais non sei o nome, nin se es conversa ou fundadora!), o gran Guille Milkyway, Iria, Jose, menda lerenda e o riquiño Pablo, de Naranjas Chinas, que é o deseñador, entre outras, desta linda camisola que comprei ese día, igual que da chapa grande que luzo na foto da anterior postaxe, hehehehe.

Nenhum comentário:

Postar um comentário