1 de nov. de 2014

Nanowrimo

 

Xa ouvira falar hai uns anos do proxecto Nanowrimo, que é o acróstico de National Novel Writing Month, ou sexa, o Mes Nacional de Escribir Romances (permitídeme que diferencie romance de novela, como sería propio do noso ámbito lingüístico, a diferenza do que fai o español, que os da RAG nos propoñen mimetizar acho que sen moito sentidiño).

Desde 1999 realízase un certame, primeiro a nivel anglosaxón e despois xa en moitas linguas e culturas, que consiste en autoimporse o reto de escribir un romance dun mínimo de 50.000 palabras ao longo de todo o mes de novembro. Non hai máis premio nin recoñecemento que saber que terminaches, aínda que for só para gardar dito romance nun caixón ou para tratar iso que conseguiches como un rascuño do cal se puider sacar algo mellor traballándoo máis en profundidade nos meses seguintes.

Este ano voume autoimpor a participación e tentarei xuntar cada día do mes eses 1.667 vocábulos que fan falta para conseguir o obxectivo. Contarei por aquí se dou logrado rabuñar o tempo e como vai saíndo a cousa :)

Um comentário:

  1. Ah! Benvido a bordo! Así polo menos haberá alguén máis escribindo en galego! Normalmente son eu ou ás veces alguén máis (unha galega emigrada a Londres, por exemplo). Ánimo e a por elas (as palabras)! Pódese facer, o tempo é unha ilusión, só hai que fabricalo. Búscame alá: http://nanowrimo.org/participants/excalibor

    Unha aperta e boa sorte!

    ResponderExcluir