21 de mai. de 2014

Aos de sempre ben se ve que lles doe

A terceira forza nas anteriores eleccións europeas en Galiza, o BNG, non sairá nin un segundo máis nos informativos da RTVG no que resta de campaña. Xustifican a censura pura e dura cun argumento ridículo: que, como o BNG se presentaba nunha coalición máis ampla, os máis de cen mil votos que entraron nas urnas galegas con ese logotipo non contan. Vaia democracia!

Éncheme de carraxe esta mordaza aplicada discrecionalmente desde o poder ás ideas que máis incomodan ao propio poder. Unha e outra vez relense as regras do xogo para que fique claro que todo iso de que se pode escoller libremente non é máis que un slogan para as grandes superficies.

Tentarei axudar intensamente neste tramo final da campaña, para que a xente poida coñecer e valorar unha formación que os medios públicos autonómicos silenciarán, mais que existe e que ten a defensa da nación galega como razón de ser. A liberdade de expresión, o pluralismo político e os dereitos de Galiza son causas polas que paga a pena mollarse. Non ollemos para outro lado mentres estas cousas acontecen.

Um comentário:

  1. Quero que saibas, pola presente, que tes sido bem invitado a miña casa, com cama á vista de toda a xente:

    http://beminvitados.blogspot.com.es/2014/05/cartas-marcadas.html

    Se atopas a porta fechada, non te asustes, fun Bloqueado por Google, por Orde Superior ou por desorde xeneralizada, que eu non sei bem distinguir esas cousas.

    http://beminvitados.blogspot.com.es/2014/05/cartas-marcadas.html

    Mas ti non temas nen te enrugues e pasa.
    E só que, coma deixou dito G. Celaya, "a poesía é um arma cargada de futuro", e a min, ao meu blogue, ela chega descargada "das tormentas"

    Um saúdo e obrigado polo teus esforzos no que nos é común, irmao.

    ResponderExcluir