2 de jul de 2012

Amigos e sodomitas en Voz TV


Con motivo do sétimo aniversario da aprobación dos matrimonios homosexuais no Estado español, a televisión da Voz emitiu unha noticia nos seus informativos na cal tamén se fixo eco da unión de Pedro Díaz e Muño Vandilaz o 16 de abril de 1061, sobre a que se centra un dos capítulos do libro Amigos e sodomitas.

Para quen pense que a institucionalización das parellas homosexuais é cousa de onte, por favor que saiba que hai bibliografía, e moita máis que este meu libriño!


Ademais, segundo as filtracións, mañá pode ser un día histórico pola agardada sentenza do Tribunal Constitucional, que parece que vai rexeitar o recurso interposto polo Partido Popular contra a plena igualdade de dereitos para os matrimonios entre homes ou entre mulleres. Oxalá sexa así.

Continuamos!



Nenhum comentário:

Postar um comentário