2 de mai de 2008

"Mais heteros (que os heterossexuais)"

Hai un par de meses, no diario De luns a venres facíanme unha destas breves entrevistas-test que publican cada día na súa páxina dúas. Unha das preguntas era para escoller unha canción favorita, algo ben difícil de decidir. Eu optei pola divertida e reivindicativa "Mais heteros (que os heterossexuais)", do disco "Baixo os eucaliptos", de Projecto Mourente.

Agora que falta xa cada vez menos para o novo disco do Projecto Mourente, resgatemos esta que é unha das xoias do anterior:










Aínda que merece un vídeo específico, de momento isto é o que temos en youtube (Paulo e eu estábamos nesa presentación mundial na Sala Nasa e saltando todo o posíbel nesta canción!):



A letra é esta:

"Mais heteros (que os heterossexuais)"

Quero que construamos
a casa de Pin e Pon.

Nom repares nos gastos

dessa decoraçom.

Fim de ano no Rio,
páscoa fina em Paris,

férias em Santorino,

escapada a Berlim.


Joguemos aos papás

co nosso cão.

Traiamos para limpar

uma equatoriana ilegal.


E que horror
essas marginais!
Que horror,
sempre a protestar!
Meu amor,
nom somos iguais.
Nós somos mais heteros que os heterossexuais.


Pluma só para assinarmos

cheques no fim do mês.

Entendamos só isto:

que um só é o que tem.


Deixemos o ambiente

polos hotéis.

Tornemo-nos decentes:

somos homes, tenhem-no que ver!


E que horror essas marginais!

Que horror, sempre a protestar!

Meu amor, nom somos iguais.

Nós somos mais heteros que os heterossexuais.


Sejamos respeitáveis.

Para que luitar,
se estamos confortáveis?
Somos homes, vam-nos aceitar.


E que horror essas marginais!

Que horror, sempre a protestar!
Meu amor, nom somos iguais.
Nós somos mais heteros que os heterossexuais.


Vexamos por último esta foto que encontrei navegando por internet, onde se ve o creador de Projecto Mourente xunto con Jano na concentración do Orgullo de 1999. Ai que horror, estas marxinais...!

Um comentário:

  1. Obri pola promo hehe

    Vou-che ter que dedicar um tema um dia destes eh

    ResponderExcluir